Entertainment

OnlyFans fyrirsæta og snillingur lætur karlmenn taka greindarvísitölupróf á fyrsta stefnumóti



OnlyFans-stjarna sætir harðri gagnrýni fyrir að láta karlmenn taka greindarvísitölupróf á fyrsta stefnumóti, og þeir þurfa að fá ákveðna niðurstöðu þeir vilja fara á annað stefnumót.

Bandaríska fyrirsætan Candice Kloss kom fram í Good Morning Britain í gærmorgun til að ræða um þessa tilteknu kröfu sem hún setur á tilvonandi kærasta.

Candice vakti heimsathygli í fyrra þegar það kom fram að hún væri bókstaflega snillingur. Greindarvísitala hennar er 136 og hún er þar með greindari en 98 prósent jarðarbúa. Hún hefur einnig verið meðlimur í Mensa síðan hún var sextán ára, en Mensa eru alþjóðleg samtök fólks með háa greind.

Fyrirsætan fór í háskóla aðeins sautján ára gömul, en hætti í námi til að snúa sér að öðru og rekur nú mjög vinsæla OnlyFans síðu.

Hún segist aðeins deita karlmenn sem eru með greindarvísitölu sem er 110 eða hærri. Hingað til hafa aðeins tveir karlmenn samþykkt að taka prófið, og báðir náðu því.

Candice var harðlega gagnrýnd af netverjum eftir þáttinn en hún stendur fast á sínu og segir að hún vill „bara vera viss að það sé þess virði að fara á annað stefnumót.“

„Það eru margir karlmenn sem eru myndarlegir en þeir eru ekki gáfaðir, og það hefur áhrif á heildarmyndina. Hvernig er hægt að njóta sín með einhverjum ef það er engin tenging? […] Þú þarft ekki að vera stærðfræðisnillingur en þú ættir að geta haldið uppi samræðum og verið yfirburðagáfaður í allavega einu fagi,“ segir hún.

Fyrirsætan sagði að það eru ekki aðeins bókagáfur sem heilla hana heldur einnig „götugáfur“ (e. street smarts).

„Ég laðast að gáfuðum karlmönnum sem eru með gott skopskyn, ævintýragjarnir, hreinskiptir og skemmtilegir.“





Source link

Leave a Reply

Your email address will not be published.

close