Entertainment

Málmlitir og málmáferðir mjög móðins þessi misserin


Á dögunum kom út tímaritið Höllin mín en um er að ræða 76 síðna vandað tímarit á vegum Húsgagnahallarinnar. Í því má til dæmis finna viðtal við innanhússarkitektinn Rut Kára og innlit á heimili Simma Vill og fagurkerans Berglindar Hreiðarsdóttur, en þau búa þó ekki saman, enda sá fyrrnefndi einn heitasti piparsveinn Mosfellsbæjar og sú síðarnefnda hamingjusamlega gift í sama bæjarfélagi. Eins má finna góð ráð um brúðkaup og val á borðstofuborðum og svo er tímaritið auðvitað sneisafullt af hugmyndum, húsgögnum og hönnun.

Aukin þjónusta og dægrastytting

Hulda Rós Hákonardóttir, einn eigenda Húsgagnahallarinnar, segir tímaritið aukna þjónustu og vonandi kærkomna dægrastyttingu fyrir viðskiptavini og aðra landsmenn. „Okkur er lengi búið að langa að ráðast í þetta verkefni og loks náðum við smá opnu og stukkum á tækifærið. Við vildum ekki gera tímarit nema við gætum gert það almennilega og það tókst að okkar mati og svo virðist sem neytendur séu glaðir líka, en það sjáum við meðal annars á auknum komum inn á vef Húsgagnahallarinnar þar sem tímaritið má finna“.

 

Ef flett er í gegnum Höllina mína fer það ekki framhjá neinum að eitt allra heitasta trendið í dag eru málmlitir og málmáferðir enda vart síða þar sem slíkt kemur ekki fyrir í einhverju formi. „Já það er mjög vinsælt í dag og í raun má segja vinsælt þegar kemur að húsgögnum, skrauti, innréttingum og málningu, svo eitthvað sé nefnt. Það skemmtilega við málmlitina er að þeir virðast höfða til allra aldurshópa þó auðvitað sé það misjafnt hversu afgerandi málmurinn er hjá hverjum og einum. Skrautmunir í þessum litum eru til dæmis mjög mikið teknir þessa dagana og er fólk að taka allt frá einum mun til að poppa upp heimilið upp í fjölmarga muni til að hafa stílinn meira áberandi. Eins sjáum við þetta í húsgögnunum líka og til að mynda er stólalína frá Kare með gulllituðum fótum auk þess sem má finna málmlituð borð, hillur og fleira. Það er eitthvað hlýlegt og virðulegt við málmlitina en samt á einhvern töff og djarfan hátt – ef við getum orðað það þannig. Málmáferðin er líka komin í marga liti og eru til dæmis mottur, púðar, sófar og teppi, til í rauðum, grænum, gulum og fleiri litum sem eru með svona málmfíling þannig að liturinn verður ríkari.“

 

 

Hægt er að fletta í gegnum Höllina mína hér: https://baeklingar.husgagnahollin.is/hollin-min/?_ga=2.131566726.804267083.1647609953-2108236954.1647609953





Source link

Leave a Reply

Your email address will not be published.